-
Հայտնի է ԱԱ 2022-ի որակավորման փուլում Հայաստանի ազգային հավաքականի խաղացանկը
Երեքշաբթի
08.12.2020
Հայաստանի ազգային հավաքականը Աշխարհի 2022 թ. առաջնության ընտրական փուլը կսկսի Լիխտենշտեյնի հավաքականի հետ հանդիպումով:
Դեկտեմբերի 8-ին հաստատվել է J խմբի խաղացանկը:
Մարտի 25 - Լիխտենշտեյն - Հայաստան
Մարտի 28 - Հայաստան - Իսլանդիա
Մարտի 31 - Հայաստան - Ռումինիա
Սեպտեմբերի 2 - Հյուսիսային Մակեդոնիա - Հայաստան
Սեպտեմբերի 5 - Գերմանիա - Հայաստան
Սեպտեմբերի 8 - Հայաստան - Լիխտենշտեյն
Հոկտեմբերի 8 - Իսլանդիա - Հայաստան
Հոկտեմբերի 11 - Ռումինիա - Հայաստան
Նոյեմբերի 11 - Հայաստան - Հյուսիսային Մակեդոնիա
Նոյեմբերի 14 - Հայաստան - Գերմանիա
Հանրաճանաչ նորություններ
Գերմանիա-Հայաստան հանդիպումը կկայանա Շտուտգարտում
Հայտնի է դարձել Աշխարհի 2022 թ. առաջնության ընտրական փուլի՝ սեպտեմբերի 5-ին նախատեսված Գերմանիա-Հայաստան հանդիպման անցկացման վայրը: Հանդիպումը կկայանա Շտուտգարտի «Մերսեդես-Բենց-Արենայում»:
Չորեքշաբթի
16.06.2021
ՀՖՖ-ն պաշտոնական գրություն է ստացել «Ռոմայից» Հենրիխ Մխիթարյանի վնասվածքի վերաբերյալ
Հայաստանի ֆուտբոլի ֆեդերացիան պաշտոնական գրություն է ստացել իտալական «Ռոմա» ակումբից, որտեղ ներկայացված են Հենրիխ Մխիթարյանի հետազոտության արդյունքները: Ըստ դրանց՝ Մխիթարյանի մոտ հայտնաբերվել է ոտքի միջին երրորդում գտնվող մկանների երկրորդ աստիճանի վնասվածք՝ ախտահարումով, որն ազդում է հետին կողային միապոնեվրոտիկ շրջանի վրա: Այսպիսով, Մխիթարյանը նախնական տվյալներով բաց կթողնի 3-4 շաբաթ և չի կարողանա օգնել Հայաստանի ազգային հավաքականին առաջիկա հանդիպումերի ընթացքում:
Երեքշաբթի
16.03.2021
Հայաստանի ազգային հավաքականը մեկնեց Շվեյցարիա
Հայաստանի ազգային հավաքականի կազմում Լիխտենշտեյնի դեմ խաղին կպատրաստվեն 27 ֆուտբոլիստներ: Արտերկրում հանդես եկող ֆուտբոլիստները հավաքականին կմիանան Շվեյցարիայում, իսկ Էդուարդ Սպերցյանը կկարողանա միանալ թիմին միայն Լիխտենշտեյնի դեմ հանդիպումից հետո: Մարտի 22-ի առավոտյան ՀՖՖ պատվիրակությունը (Հայաստանի ազգային հավաքականի՝ Հայաստանում հանդես եկող ֆուտբոլիստները, մարզչական և ադմինիստրատիվ կազմերը) չարտերային ուղերթով մեկնեցին Ցյուրիխ: Առողջական խնդիրների պատճառով Շվեյցարիա չի մեկնել 17-ամյա պաշտպան Էրիկ Սիմոնյանը: Շվեյցարիա մեկնող ֆուտբոլիստների ցուցակում չեն նաև ազգային հավաքականի՝ նախապես հրապարակված ընդլայնված կազմում ընդգրկված Յուրի Գարեգինյանը, Պետրոս Ավետիսյանը և Արման Հովհաննիսյանը, որոնք անհրաժեշտության դեպքում դեռ կարող են միանալ հավաքականին Երևանում՝ Լիխտենշտեյին դեմ հանդիպումից հետո: ՀՖՖ պատվիրակությունը Ցյուրիխից կուղևորվի Շվեյցարիայի մեկ այլ քաղաք՝ Սեն Գալեն: Այստեղ թիմին կմիանան ազգային հավաքականի՝ արտերկրում հանդես եկող ֆուտբոլիստները, բացառությամբ Էդուարդ Սպերցյանի: «Կրասնոդարի» 20-ամյա կիսապաշտպանը դեռևս ապաքինվում է վնասվածքից և չի կարողանա մասնակցել Լիխտենշտեյնի դեմ հանդիպմանը: Ֆուտբոլիստի վնասվածքից վերականգնման գործընթացը չընդհատելու համար «Կրասնոդարի» և ՀՖՖ-ի միջև ձեռք է բերվել համաձայնություն, ըստ որի Սպերցյանը բուժումը կշարունակի Կրասնոդարում: Ամենայն հավանականությամբ, Սպերցյանը կկարողանա Երևան ժամանել միայն Լիխտենշտեյնի դեմ հանդիպումից հետո: Նրա մասնակցությունը Իսլանդիայի և Ռումինիայի դեմ հանդիպումներին դեռևս հարցականի տակ է: Այսպիսով, Լիխտենշտեյնի դեմ հանդիպմանը Հայաստանի ազգային հավաքականի կազմում կնախապատրաստվեն հետևյալ 27 ֆուտբոլիստները. Դարպասապահներ Դավիթ Յուրչենկո - «Ալաշկերտ» Անատոլի Այվազով - «Ուրարտու» Արսեն Բեգլարյան - «Ուրարտու» Պաշտպաններ Հովհաննես Համբարձումյան - «Անորտոսիս» (Կիպրոս) Կամո Հովհաննիսյան - «Կայրաթ» (Ղազախստան) Վարազդատ Հարոյան - «Աստանա» (Ղազախստան) Անդրե Չալըշըր - «Ապոլոն Սմիրնիս» (Հունաստան) Տարոն Ոսկանյան - «Ալաշկերտ» Սերոբ Գրիգորյան - «Փյունիկ» Հայկ Իշխանյան - «Շիրակ» Ժոաո Ժորդի Մոնրոյ Արարատ - «Նոա» Հակոբ Հակոբյան - «Ուրարտու» Կիսապաշտպաններ Էդգար Բաբայան - «Ռիգա» (Լատվիա) Գևորգ Ղազարյան - «Լամիա» (Հունաստան) Տիգրան Բարսեղյան - «Աստանա» (Ղազախստան) Վահան Բիչախչյան - «Ժիլինա» (Սլովակիա) Խորեն Բայրամյան - «Ռոստով» (Ռուսաստան) Սոլոմոն Իմե Ուդո - «Շախտյոր Կարագանդա» (Ղազախստան) Արտակ Գրիգորյան - «Ալաշկերտ» Վբեյմար Անգուլո - «Արարատ-Արմենիա» Կարեն Մուրադյան - «Արարատ» Արամ Քոչարյան - «Լոռի ՖԱ» Ժիրայր Շաղոյան - ԲԿՄԱ Հարձակվողներ Սարգիս Ադամյան - «Հոֆենհայմ» (Գերմանիա) Նորբերտո Բրիասկո Բալեկյան - «Ուրական» (Արգենտինա) Ալեքսանդր Կարապետյան - «Արարատ-Արմենիա» Արթուր Միրանյան - «Ուրարտու» Հիշեցնենք, որ մարտին Հայաստանի ազգային հավաքականը կանցկացնի 3 հանդիպում: Մարտի 25-ին՝ ժամը 23:45-ին (Երևանի ժամանակով)՝ Վադուցի «Ռեյնպարկ» մարզադաշտում, կկայանա Աշխարհի 2022 թ. առաջնության ընտրական փուլի J խմբի առաջին տուրի Լիխտենշտեյն-Հայաստան հանդիպումը: Մարտի 28-ին՝ ժամը 20:00-ին՝ Վազգեն Սարգսյանի անվան «Հանրապետական» մարզադաշտում, կկայանա երկրորդ տուրի Հայաստան-Իսլանդիա հանդիպումը, իսկ մարտի 31-ին՝ ժամը 20:00-ին՝ Հայաստան-Ռումինիա հանդիպումը: Աղբյուր ՀՖՖ պաշտոնական կայք
Երկուշաբթի
22.03.2021